ဗုဒ္ဓနုဿတိ ကမ္မဋ္ဌာန်းကို စီးဖြန်းခြင်းဖြစ်တယ်ကွယ့်။
ဗုဒ္ဒနုဿတိ ကမ္မဋ္ဌာန်းဆိုတာ ဘုရားရှင်ရဲ့ဂုဏ်တော်ကို
စိတ်ဖြင့် အဖန်တလဲလဲ ဆင်ခြင်ခြင်းကို ဆိုလိုတာပဲ။
သို့သော် ဗုဒ္ဓဂုဏ်တော်ဆိုတာ အလွန်နက်ရှိုင်းတယ်။
ဂုဏ်တော်ကို မကျက်မှတ် မရွတ်ဆိုဘဲ စိတ်ဖြင့်ဆင်ခြင်ဖို့ မလွယ်ကူဘူး။
ဒါကြောင့် ဘုရားရှင် ဂုဏ်တော်တွေကို ဦးစွာရအောင်ကျက်မှတ်ရတယ်။
ကျက်မှတ်ပြီးတော့ နှုတ်ကရွတ်ဆိုရတယ်။
နှုတ်ကရွတ်ဆိုရင်း စာမှာပါဝင်တဲ့ ဂုဏ်တော်ဆင်ခြင်တာကို
ဘုရားရှစ်ခိုးတယ်လို့ခေါ်တယ်။
ဂုဏ်တော်ကို ဆင်ခြင်ရင်း ဘုရားရှစ်ခိုးရခြင်းဟာ အလွန်အကျိုးများပါတယ်။
ဂုဏ်တော်ဆင်ခြင်ရတဲ့အကျိုးတွေကိ
သည်လိုပြထားသကွယ့်-
၁။ ဘုရားရှင်၌ ရိုသေခြင်း၊ တုပ်ဝပ်ကျိုးနွံခြင်းရှိတယ်။
၂။(က) ရတနာသုံးပါး၌ ယုံကြည်မှု၊ ကံ-ကံ၏အကျိုး၌ ယုံကြည်မှု
သဒ္ဓါတရားတိုးပွားလာတယ်။
(ခ) အမှတ်သတိကောင်းလာတယ်၊ မမေ့မလျော့ဘူး၊
မရူးသွပ်နိုင်ဘူး၊ စိတ်ရောဂါ မဖြစ်နိုင်ဘူး။
(ဂ) ဉာဏ်ပညာထက်မြက်လာတယ်၊ ဉာဏ်ထက်မြက်လာလို့
စာကျက်လျှင် ရလွယ်တယ်။ စာကြည့်လျှင် မှတ်မိလွယ်တယ်။
(ဃ) ကောင်းမှုတရား တိုးပွားလာတယ်၊ ခန္ဓာကိုယ်တွင်းမှာ
ကုသိုလ်တရားတွေ ပွးများလာတယ်။
၃။ (က) နှစ်သက်ခြင်းပီတိတရား ဖြစ်ပွားလာတယ်။
(ခ) နှစ်သက်ရုံမက ၀မ်းသာခြင်း ပါမောဇ္ဇတရားလည်း တိုးပွားလာတယ်။
၎။ (က) ဘေးကြီးဘေးငယ် ရန်ကြီးရန်ငယ်တို့ကို နှိမ်နင်းနိုင်တယ်။
မဟာရာဇ၀င်မှာလာတဲ့ မိဖုရားစောလုံဟာ ဘုရားဂုဏ်တော်
ထုံထားတော့ မီးမလောင်ဘူး၊ ကောသလမင်းရဲ့ မိဖုရားကို
မီးပုံတွင်းပစ်ချတော့ တောက်လောင်နေတဲ့မီးဟာ ငြိမ်းရတယ်။
ဒါကြောင့် ဘုရားရှင်ရဲ့ ဂုဏ်တော်ဟာ ဘေးရန်အန္တရာယ်ကို
သည်းခံနိုင်စွမ်းရှိတယ်။
(ခ) အကယ်၍ ဘေးရန်အန္တရာယ်နှင့် မလွှမရှောင်သာကြုံဦးတော့
ကြုံလာတဲ့ ဘေးရန်အန္တရာယ်ကို သည်းခံနိုင်စွမ်းရှိတယ်။
၅။ မိမိကိုယ်ကို ဘုရားဂုဏ်တော်နှင့် ထုံထားတော့ ဘုရားရှင်နှင့်အတူ
နေရသလို အမှတ်ရတယ်။
၆။ မိမိခန္ဓာကိုယ်ဟာ စေတီအိမ်လိုဖြစ်ပြီး လူနတ်ဗြဟ္မာတို့ရဲ့
ပူဇော်ခြင်းကို ခံယူထိုက်တယ်။
၇။ ဘုရားဂုဏ်တော်ကို အာရုံပြုရင်း ဘုရားရှင်ရဲ့ ဂုဏ်တော်များ
ဤမျှကြီးကျယ် ခမ်းနားလှပါကလား၊ ငါလည်းဤသို့သော
ဂုဏ်ပိုင်ရှင် ဘုရားဖြစ်ရန် စိတ်ညွှတ်နိုင်တယ်။
၈။ လွန်ကျူးအပ်တဲ့ ဒုစရိုက်မှုနှင့် မရှောင်သာမကွင်းသာ တွေ့ကြုံ
သည့်တိုင်အောင် မိမိမျက်မှောက်မှာ ဘုရားရှင်ကို မြင်ရသလို
ဖြစ်ပြီး အရှက်အကြောက်ပေါ်လာကာ ဒုစရိုက်က ရှောင်လွှဲနိုင်တယ်။
၉။ အထက်မဂ်ဖိုလ်နိဗ္ဗာန်ကို မထိုးထွင်းမသိမြင်နိုင်စေကာမူ
သေသည်ရဲ့အခြားမဲ့မှာ ဒုဂ္ဂတိဘ၀ကို မလားနိုင်ဘူး၊
သုဂတိဘ၀ကိုသာ လားရောက်ဖို့ရှိတယ်။
ဘုရားရှစ်ခိုးရတဲ့အကျိုးဟာ ယခုဘ၀မှာပင် ခံစားနိုင်တဲ့ အကျိုးစိတ်
(၁၃)ပါး ရှိတယ်။ သည်(၁၃)ပါးကို တူရာပေါင်းလိုက်လျှင် ပစ္စုပ္ပန်
ဘုရားရှစ်ခိုးရကျိုး ရှစ်ပါးရှိတယ်။ နောင်ဘ၀ သုဂတိလားရတဲ့အကျိုးတစ်ပါး
ထည့်လိုက်လျှင် ဘုရားရှစ်ခိုးရတဲ့အကျိုးဟာ ကိုးပါးရှိတယ်ကွယ့်
(ယနေ့ဗုဒ္ဓ၀ါဒဆိုင်ရာ အမေးအဖြေများ(၂)၊
ထီးချိုင့်မြို့၊တည်တောဆရာတော်၊
No comments:
Post a Comment